Hvernig á að setja upp stöðumyndir

[Árni]

Það virðist því miður ekki vera nein auðveld og góð leið til að setja upp stöðumyndir á þessu spjallborði. Í stað þess þarf maður að setja þær upp á eigin heimasvæði og setja síðan link á þær. Nú eru eflaust margir sem hafa ekkert heimasvæði en ef menn eru mjög áhugasamir að setja upp stöðumyndir þá geta þeir með glöðu fengið að setja myndirnar á heimasvæðið mitt enda nota ég það nánast ekkert. Þeir geta þá sent mér email á [e-mail].
Annars fylgir yfirleitt heimasvæði með ADSL-tengingu og þeir sem hana hafa geta hringt í viðkomandi fyrirtæki (Símann, Vodafone) og fengið nánari upplýsingar.

Allaveganna er hægt að setja upp stöðumyndir á eftirfarandi hátt.

1) Fyrst þarf maður að eiga eitthvað forrit þar sem maður getur sett upp stöður. Þetta getur verið nánast hvaða tölvuskákforrit sem er; Fritz, Chess Assistant og hvað sem þau nú öll heita. (Ég held þó að Blitzin virki ekki í þetta)
Eitt lítið og ágætis forrit má nálgast ókeypis hér: www.wmlsoftware.com/
Þá er bara að setja upp stöðuna og gera copy position. (stundum þarf að gera copy position as bitmap)

2) Nú er hægt að fara t.d. í Paint (eða Photoshop og fleiri forrit eigi menn þau) en Paint er í öllum tölvum með Windows. (Start-Programs-Accessories-Paint). Þar "paste-ar" maður stöðunni (Edit og Paste) og gerir síðan "Save as" og í "Save as type" verður að velja JPEG eða GIF en það þýðir að þetta séu myndir.

3) Þá er maður búinn að vista stöðumyndina í tölvunni hjá sér á jpeg eða gif formi og þá þarf að setja
myndina á heimasvæðið sitt. Þetta væri þá það skref sem flestir myndu stranda á.<br>
4) Þegar að búið er að vista stöðumyndina á heimasvæðið sitt þarf maður að copyera slóðina. T.d. hjá<br>mér www.internet.is/hildurag/skak/sverrir1.JPG

5) Nú fer maður á spjallborðið og velur að skrifa skeyti. Þar fyrir ofan broskallanna er reitur sem heitir "Insert
Image" (Beint fyrir ofan reiða kallinn ). Veljið hann og þá kemur þessu líkt: (img)URL(/img).
Þá er að eyða út þar sem stendur "URL" og í stað þess setja slóðina að stöðumyndinni á heimasvæðinu.
Svona þá: (img)http://www.internet.is/hildurag/skak/sverrir1.JPG(/img)

6) Prófið að ýta á "Preview" og þá á stöðumyndin að birtast.
Hjá mér væri þetta svona:

Þá er bara að pósta.

Vonandi er þetta ekki of flókið, en það er bara að spyrja ef þetta gengur ekki.

[Varði]

Takk fyrir þetta Árni!

Reyndar náði ég einhverra hluta vegna ekki sambandi við heimasvæðið þitt, þannig að ég hringdi bara í símann og sótti um sjálfur.

Nú ég ég bara að bíða eftir því að heimasvæðið verði virkt og þá mun ég skella stöðumyndunum inn í skák okkar Sigurðar Daða, þar sem við á. Auk þess mun ég birta rosalega skák sem við Jóhann Ingvarsson tefldum í gær!

Kveðja, Varði.<br>
P.s. Ég setti nú áðan þraut inn á Haukasíðuna. Ég hef lengi verið að basla við það að reyna að save-a stöðumyndir sem JPEG, en aldrei virkað fyrr en núna eftir að hafa lesið góðar leiðbeiningar frá Árna. Stöðumyndin kemur reyndar full lítil fram á síðunni, en þið getið að sjálfsögðu stækkað hana með því einfaldlega að smella á hana.

[Ingi]

Sælir félagar...

Glæsilegt framtak hjá þér Varði, kannski of miklar vísbendingar, því eftir að hafa fengið þær, dettur manni aðeins einn leikur í hug! Þú getur byrjað að æfa stafsetninguna á mínu nafni

kveðja,

Ingjibb Tandrinho Trustson

[Varði]

Takk fyrir það Ingi.

Reyndar finnst mér þetta ekki svo ýkja miklar upplýsingar sem ég lét fylgja með þrautinni. Ég var bara að reyna að fyrirbyggja það að menn myndu kíkja á þetta í nokkrar sekúndur og halda að þeir væru komnir með lausnina.

[Árni]

Varði, það var gott að þetta gagnaðist einhverjum. Ég hafði ekki komist í það að setja inn stöðumyndir úr skákinni við Sigurð Daða og læt þig þá um það.

Svo geta menn notað þennan þráð til að prófa að setja upp stöðumyndir vilji menn það. Ég ætla t.d. að prófa núna<br>