Skákþing Reykjavíkur

[Árni]

Það er gaman að sjá hversu margir Haukamenn eru með í Skákþinginu og hefur þeim flestum gengið vel. Stefán, Heimir og Sverrir Örn eru t.a.m. meðal efstu manna.
Það væri gaman ef einhverjir vildu setja inn skákirnar sínar hérna á borðið svo maður gæti rennt yfir þær og komið umræðum af stað. Ég ætla því hér með að skora á Stefán Frey og Sverri Örn að birta sigurskákir sínar gegn Tómasi og Halldóri B.

[Aui]

Hvernig setur maður upp stöðumyndir Árni?
Frábær hugmynd. Einnig vildi ég gjarnan sjá eina góða frá Inga, Danna eða Sverri Þorg.

[sverrir]

Sælir,

Já gott framtak að setja upp þetta spjallborð, tilvalið að nota til þess að henda inn skákum eins og Varði hefur einstaka sinnum gert á haukasíðunni. Ég þarf endilega að setja inn nokkrar frá SÞR fljótlega. ;D

Kv. Sverrir Örn

[Árni]

Ég verð að athuga þetta betur með stöðumyndir. Ég veit reyndar um eina leið til að setja upp stöðumyndir en þá þarf maður að eiga eitthvað heimasvæði á netinu. Ég veit ekki hvort ég geti útskýrt þetta á einfaldan hátt en þetta er alls ekki flókið. Þetta er í raun alveg eins og að setja inn myndir.

1) Í fyrsta lagi þarf maður að eiga eitthvað skákforrit til að búa til stöðumyndir. Eitt heitir ChessPad og er hægt að nálgast ókeypis hér:
www.wmlsoftware.com/chesspad.html
Í þessu forriti er auðvelt að setja upp stöður og save-a þær á HTML-formi eða sem bitmap.

2) Stöðurnar þarf að vista eða save-a á einhverju heimasvæði. Þetta er vandamálið, enda fæstir með eigið heimasvæði. Ég get þó kannski reddað einhverju svæði þar sem menn gætu sett upp stöðurnar.

3) Þá fer maður hérna inná spjallborðið og skrifar skeyti. Þar velur maður insert image og þá kemur þessi texti:
(img)URL(/img)

4) Nú setur maður inn vefslóðina af stöðumyndinni þar sem stendur "URL". Þá er bara að ýta á "post" og þá á þetta að vera komið.<br>
Vonandi skilur þetta einhver. Þetta á ekki að vera flókið en endilega látið vita ef þið vitað af einhverri enn einfaldari leið. Ég ætla líka að athuga þetta betur.

kv, ÁÞ

[sverrir]

Á skákhorninu er einfaldast að nota ICC til að segja inn stöðumyndir, en það er sennilega ekki hægt hérna, ég var að prufa en það virðist ekki virka. Fyrst um sinn verða menn þá bara að hafa skákirnar stöðumyndalausar.

Kv. Sverrir

[Árni]

Ingi Tandri sendu mér skákina við Sverri Sigurðs og ég skal setja hana inn með stöðumyndum og skýringum jafnvel

[Ingi]

Jamm jamm jamm!!!

Ég skal láta þig fá þessa snilldarlegu skák, sem skipti ansi oft um eigendur! A.m.k. segir Fritzinn það. Annars sýndist mér (og heyrðist) á Stefáni Frey áðan að ég væri slíkur yfirburðarskunkur, að það getur varla verið merkileg taflmennska sem þú ætlar að skýra!!! Klúðraði nefnilega svakalega á móti Bjarna Sæmundssyni í hraðskákmótinu, sem varð til þess að Stefán fékk Hrannar Baldurs í staðinn fyrir mig í síðustu umferðinni, tapaði 2-0 og varð 1/2 vinningi á eftir efstu mönnum! Jamm jamm.. það er ekki alltaf BOLLUDAGUR ;D

Kveðja,
Ingi

[Varði]

Þetta var nú óþarfi Ingi !

;D

[stefan]

Árni, þú getur kannski hent inn myndum, þar sem komment frá mér koma.

[Event "?"]
[Site "?"]
[Date "?.??.??"]
[Round "?"]
[White "?"]
[Black "?"]
[Result "*"]

1. e4 e6 2. Nc3 d5 3. g3 Nf6 4. Bg2 Bb4 5. e5 Nfd7 6. Qg4 Bf8

[Þá sjaldan sem fáfræði í byrjunum og þaðan-af-leiðandi heimabrugg virkar. Ekki gæfuleg staða á svartan.]
7. f4 c5 8. Nh3
Nc6 9. O-O h5 10. Qd1 g6 11. d3 b6

[Hér var langerfiðast að missa sig ekki í fórnir á f7/e6/d5. Náði að halda aftur af mér og taka þá merku ákvörðun að betra væri að koma svartreita biskupnum og hróknum á a1 í spilið.]<br>12. b3 Bb7 13. Bb2 Nd4 14. Qd2 Bh6 15. Rae1
Qc7 16. Ng5

[Hér fer að styttast í alls konar skemmtilegar fórnir ef svartur hrókar ekki. Ein hugmyndin var t.d. að fórna með riddara á d5 - Bxd5, BxB-exB, Bxd4-exd4 og e6. Næst á dagskrá er þá að reyna að opna línu á kóngsvæng. Í framhaldinu er alveg nauðsynlegt fyrir svartan að leika a6, en greyið áttar sig ekki á hættunni ]
16.- 0-0 17. h3 Rac8 18. g4 hxg4 19. hxg4 Bxg5 20. fxg5 Nxe5 21. Nb5

[Veit ekki hvað Herr Fritz segir hér, en held að staðan sé orðin mjög vond á Tomma]
Nef3+ 22. Bxf3
[Nú iðaði strákurinn í sætinu...]
Qg3+ 23. Bg2 Nxb5 24. Rf3 Qxg4 25. Bf6 Nd4 26. Rh3 Qxh3 27. Bxh3
Nf3+ 28. Kf2 Nxd2 29. Bg2

[Ekki laust við að smá glott færist yfir andlitið á svart-hvíta Haukamanninum og Tommi farinn að athuga með lýsinguna]
Ne4+ 30. dxe4 *

[Árni]

Þetta er sérlega skemmtileg skák hjá þér Stefán. Tomma hreinlega rúllað upp.
Staðan eftir 29.Bg2! er sérlega hressandi, svartur hrók og einhverjum peðum yfir og getur sig hvergi hreyft.

[Varði]

Já, fín skák hjá þér Stefán og ansi öflugur þessi með lýsinguna. ;D

[sverrir]

Já best að skella hérna inn skákinni við Halldór þótt ég hálfskammist mín fyrir hana í samanburði við þessa snilld hjá Stefáni á móti Tomma, enda réðust úrslitin hjá okkur Halldóri á einum hrottalegum afleik. Kann ekki að setja inn stöðumyndir samt.

1. d4 Rf6 2. Bg5!?

Þessi er alltaf að verða vinsælli.

2...e6

Sveigjanlegt system sem ég tefldi á Björn Þorfinnsson á Skákþinginu á dögunum og fékk þessa líka glimrandi stöðu sem mér tókst auðvitað að tapa á endanum.

3. Bxf6

Algengara og kannski betra er 3. e4 h6 og þá 4. Bxf6.

3...Dxf6 4. e4 d6 5. Bd3 Rc6 6. c3 Bd7 7. Rd2 e5

Ég hef á tilfinningunni að þessi sé full snemma á ferðinni, 7...g6 eða jafnvel 7...g5 kom til greina.

8. d5 Re7 9. Db3 Hb8

Eftir langa umhugsun, ég þorði ekki að hróka langt en það var kannski skárra.

10. Rc4 Dg6?! 11. Re3!


Heldur niðri f7-f5 og valdar g2. Riddarinn stendur einkar vel þarna. Þessi staða er orðin frekar óþægileg á svart, þröng og leiðinleg.

11...Rc8 12. Re2 Be7 13. h4

Kemur í veg fyrir Bg5 en 13. Bb5 kom líka til greina.

13...h5 14. 0-0-0 Rb6


Hérna er 15...Ba4 engin hótun vegna 16. Bb5+. Núna kemur sterklega til greina að leika 15. Rg3 með hugmyndinni að fara með riddara á f5.

15. f4?!

Þessi er of snemma á ferðinni og byggist á yfirsjón.<br>
15...exf4 16. Rxf4??

Leikur af sér heilum manni. Hér varð hvítur að leika 16. Rf5 og staðan er þá sennilega í jafnvægi.

16...Dg3


Setur á báða riddarana og ekki hægt að valda nema annan. Svartur er kominn með kolunnið.<br>
17. Hde1 Dxf4 18. Hhf1 Dxh4 19. Kb1 0-0 20. Dd1 Bg4 21. Rxg4 Dxg4 22. Be2 Dg3 23. Bxh5 g6 24. Bg4 Rc4


Þessi er á leiðinni á draumareitinn. Ef þessi skák hefði verið tefld á netinu hefði verið ljúft að fá sér einn kaldan þegar hér var komið sögu.

25. Dd4 Re5 26. Bh3 Dd3+ 27. Ka1 Kg7 28. Df2 Hh8 29. He3 Db5 30. Df4? Hh4?

Nett tímahrak, 30...Bg5! vinnur strax.

31. Df2 Hbh8 32. Kb1 Bg5 33. c4 Dc5 34. He2 Dxf2 35. Hfxf2 Hf4 36. Hxf4 Bxf4 37. a3 b6 38. Hc2 a5 39. b4 axb4 40. axb4 Rd3 41. Ha2 He8 42. Ha7 He7 43. c5 dxc5 44.b5 Hxe4 0-1

Kv. Sverrir Örn

[Árni]

Hérna er sérlega athyglisverð skák sem Ingi tefldi á SR. Þetta er vægast sagt flókin skák og þurfti ég að fá aðstoð frá Herr Fritz til að fá einhvern botn í hana.

Ingi Tandri - Sverrir Sigurðsson [D43]
Skákþing Reykjavíkur 7.umferð, 30.01.2005.

1.d4 d5 2.c4 c6 3.Nc3 Nf6 4.Nf3 e6 5.Bg5 h6 6.Bh4 g5 7.Bg3 dxc4 8.e4 b5

Þetta afbrigði er fyrir hressa stráka enda leiðir það oft til mikilla flækja. Ingi er að sjálfsögðu þaulkunnugur fínustu blæbrigðum stöðunnar og nýjustu tísku í fræðunum og því má gera ráð fyrir að næsti leikur hans sé vel undirbúið heimabrugg. Leikurinn tekur þó e5 reitinn af riddaranum á f3, auk þess að gefa biskupaparið full auðveldlega.

9.Be5 Nbd7 10.h4 g4 11.Nd2 h5

Hér kemur vel til greina að taka biskupinn 11...Nxe5 12.dxe5 Nd7 13.Qxg4 Nxe5 14.Qg3 Qd6.

12.f3 Rg8 13.Bf4 Bb4

13...Qb6 og hvítur á erfitt með að valda d4-peðið á viðunandi hátt.

14.a3 Bxc3 15.bxc3 Qa5 16.Qc2 gxf3 17.gxf3 Bb7

Þessi býður hættunni heim. Nú kemur Ingi með sleggju...

18.Bxc4!

Það er mikilvægt að vera hress!

18...0–0–0

Sverrir leggur ekki í að taka manninn enda fær hvítur hættulega sókn í staðinn. T.d. 18...bxc4 19.Nxc4 Qa6 20.Nd6+ Kf8 ( eða 20...Kd8 21.Rb1 Nb6 (21...Bc8 22.Nxf7+ Ke7 23.Nd6) 22.Bg5) 21.e5 Ne8 22.Qh7 Ng7 23.Rg1 eins og Ingi sýndi mér eftir skákina.

19.Bf1 Rde8 20.a4 a6 21.Nb3 Qb6 22.axb5 axb5 23.c4
e5 24.Be3

Biskupinn stendur ekki sérlega vel óvaldaður á e3. 24.Bg5 var sennilega betra 24...exd4 25.cxb5 með galopinni og skemmtilegri stöðu.

24...b4 [24...exd4 25.Nxd4 Ne5] 25.Kf2?

Kóngurinn lendir í ógöngum þarna. 25.Bh3 virðist eðlilegur með fínni stöðu á hvítt.

25...exd4 26.Nxd4 c5 27.Nb5 [27.Nf5]

27...Bxe4?

27...Nxe4! 28.fxe4 Qf6+ 29.Ke2 Bxe4 og hvítur er kominn í vandræði.

28.fxe4 Nxe4+ 29.Ke2

29.Ke1 er betri leikur. T.d. 29...Ng3 30.Qd3 Nxh1 31.Ra8+ og nú er það hvítur sem er hress.

29...Ng3+ 30.Kd1 Rxe3 31.Ra8+ Nb8 32.Bh3+


Þetta er áhugaverð staða og augljóslega vandtefld með svona marga menn inná og lítið skjól fyrir kónganna. Enda fara nú undarlegir hlutir að gerast.

32...Re6?

Hér var betra að leika 32...f5 því eftir 33.Bxf5+ getur svartur leikið 33...Kb7. Staðan er þó gríðarlega flókin eftir 34.Ra7+ Qxa7.

33.Re1 Rd8+ 34.Kc1 Kb7

35.Ra7+?

Hvítur átti hérna einfalda leið sem hefði gefið honum vinningsstöðu. 35.Rxe6! fxe6 36.Ra7+ Qxa7 37.Qg2+ Kb6 38.Nxa7. Nú er það svartur sem fær vinningsstöðu.

35...Qxa7 36.Bg2+ Nc6 37.Bxc6+

37...Rxc6?

Svartur endurgeldur hvítum greiðann. 37...Kb6! og Ingi hefði getað farið heim að spila Grand Theft Auto. Nú er það hins vegar Ingi sem stendur til sigurs.

38.Re7+ Kb8 39.Rxa7 Re6

40.Kb2?

Skákin skiptir enn einu sinni um eigendur! 40.Ra8+! og Sverrir hefði getað farið heim að baka vöfflur.

40...Re2 41.Rxf7 Rxc2+ 42.Kxc2 Ne2 43.Rh7 (43.Rf5!) Nd4+ 44.Kb2 Nxb5 45.cxb5 Rd5?

Svartur getur einfaldlega ýtt peðunum af stað og hvítur virðist eiga fátt til varnar; 45...c4 46.Rxh5 c3+ 47.Kc2 (47.Kb3 Rc8 48.Kc2 b3+) 47...Rd2+ 48.Kb3 Rb2+ 49.Ka4 c2.

46.Kb3 Rf5 47.Ka4 Re5 48.Kb3

Hvítur hefði getað tryggt sér jafnteflið með því að skáka á h8,h7 og h6, því ef svarti kóngurinn fer á d-línuna þá leikur hvítur b5-b6 og heldur auðveldlega jafnteflinu.

48...Re3+ 49.Kb2

49.Kc4 hefði verið hressara og jafnteflið ekki langt undan.

49...c4 50.Rxh5 Re2+ 51.Kb1 Kb7 52.Rh6 c3

Eða 52...Re1+ 53.Kb2 c3+ 54.Kc2 Re2+ 55.Kb3 Rb2+ 56.Ka4 c2 með erfiðri stöðu á hvítan.

53.Rc6 Re5?

Glutrar niður vinningsmöguleikunum. 53...Rh2 vinnur bæði hvítu peðin. T.a.m. 54.Rc4 Rb2+ 55.Kc1 Kb6 56.h5 Kxb5. Eftir 53...Re5 er hins vegar stutt í jafnteflið.<br>
54.Rc4 Rxb5 55.Kc2 Ka6 56.Kb3 Kb6 57.h5 Ka6 58.h6 Rh5 59.Rxb4 Rxh6 60.Rc4 Rh3 61.Rxc3 Rxc3+ 62.Kxc3 ½–½<br>
Það er kannski við hæfi að þessari miklu baráttuskák skyldi ekki ljúka fyrr en kóngarnir stæðu einir eftir á borðinu.

[Árni]

Við Ingi og Stefán F vorum að renna yfir skákina hjá Inga á móti Sverri Sigurðssyni í þessu móti. Ég held hreinlega að skákirnar verði ekki skemmtilegri svona á okkar leveli. Tékkið á henni!